KlosiNëse shikoni shkresën urdhri në fjalë nga ana e SHISH është hartuar në fillim të muajit Dhjetor, pra kur qeveria Rama nuk kishte as 3 muaj që kishte ardhur në pushtet dhe në këtë kontekst më duket gati e pamundur që kjo të jetë një lëvizje me autorizim apo me kërkesë të kryeministrit të vendit. Mendoj se duhet vënë theksi te pyetja se ku janë dërguar këto informacione? Kujt do i hynin në punë? – thote ne kete interviste per DITA, ish-kreu i SHISH, Fatos Klosi.

 

Zoti Klosi, ju keni drejtuar shërbimin inteligjent për disa vite. Çfarë menduat kur patë atë shkresë të SHISH që inicionte një hetim të thelluar për zyrtarët dhe drejtuesit e policisë?

Menjëherë mu krijua ideja e paligjshmërisë, pasi ky lloj urdhri bazuar në ligjin për SHISH dhe mënyrën si funksionon institucioni është një lloj urdhri që vjen vetëm pasi ka një orientim nga kryeministri i vendit, pasi ai është eprori direkt i kryetarit të SHISH. Nëse shikoni shkresën urdhri në fjalë nga ana e SHISH është hartuar në fillim të muajit Dhjetor, pra kur qeveria Rama nuk kishte as 3 muaj që kishte ardhur në pushtet dhe në këtë kontekst më duket gati e pamundur që kjo të jetë një lëvizje me autorizim apo me kërkesë të kryeministrit të vendit.

Zoti Klosi, sipas jush, cilat do ishin rrethanat institucionale që do e bënin krejt normal lëshimin e një urdhri të tillë nga SHISH për hetimin dhe mbledhjen e informacionit për zyrtarët e policisë?

Nëse kryeministri i vendit do i kishte kërkuar kreut të SHISH informacione mbi efektivë apo drejtues të policisë, atëherë çdo gjë do të ishte më se normale. Pasi raporti nga SHISH të hartohej, si rregull konkluzionet dhe informacionet e raportit do t’i përcilleshin kryeministrit dhe më pas ky mund t’ia niste ministrit përkatës, që në këtë rast është ministri i Brendshëm, për të marrë dhe masat e nevojshme.

Nga sa keni parë dhe jeni njohur deri më tani me këtë çështje, në vlerësimin tuaj zoti Klosi, cila është masa e përgjegjësisë e vetë kreut të SHISH, Visho Ajazi?

Nga dokumenti i bërë publik, rezulton se urdhri është dhënë nga një drejtor drejtorie. Pra nga një vartës i kreut të SHISH. Në dokument nuk ka referencë se ky urdhër është pasojë e ndonjë urdhri që ka marrë drejtori nënshkrues prej kreut të SHISH. Një hetim i kësaj procedure është i nevojshëm për të zbuluar nëse përgjegjësia shkon deri tek drejtori që ka firmosur apo ka ndonjë urdhër që nuk është bërë publik që implikon dhe zyrtarë më të lartë se ai.

Pra me kaq të dhëna sa kemi nuk ka një implikim të drejtpërdrejtë të kreut të SHISH?

Struktura e SHISH është piramidale, ndaj dhe për të parë se deri ku shkojnë përgjegjësitë duhen bërë të tjera kërkime apo hetime. Deri më tani firma e drejtorit rezulton si nismëtare e kësaj lëvizje. Por ajo që mendoj unë se duhet vënë theksi është pyetja se ku janë dërguar këto informacione? Kujt do i hynin në punë? Se personave që u ngarkon ligji për t’i kërkuar dhe për tu njohur me to, në këtë rast kryeministri, me sa duket nuk kanë lidhje me këtë lëvizje dhe këtë nismë të SHISH-it.

***************

SHISH, shkresa sekrete për agjentët: Mblidhni informacion për krerët e policisë

Në një kohë kur në Shqipëri janë intensifikuar veprat kriminale, ku është përdorur ekzekutimi personave nëpërmjet vendosjes së tritolit në makina, Shërbimi Informativ Shtetëror duket se ka më shumë në fokus hetimin e policisë, se sa mbledhjen e informacionit për personat apo ngjarjet kriminale. Një dokument i SHISH-it, i hartuar prej departamentit të kundrazbulimit, që mban firmën e drejtuesit R. T., është bërë dje publik.Dokumenti është përpiluar si kërkesë operative urgjente, më datë 02.12.2013, vetëm tre muaj nga ardhja në detyrë e qeverisë dhe ministrave të rinj. Kërkesa operative i drejtohet drejtorive të Shërbimit Informativ në të gjitha prefekturat, përfshi degët autonome, nga njëra prej të cilave është bërë e mundur edhe gjetja e dokumentit. Përmes saj, “kërkohet informacion mbi persona të implikuar në veprimtari antiligjore të emëruar në Policinë e Shtetit”, raporton TCH.

Shkresa e SHISH për të kërkuar informacion për drejtuesit e rinj të policisë

Shkresa e drejtorisë së kundra-zbulimit u kërkon degëve të shërbimit, në të gjithë Shqipërinë, të “identifikojnë drejtuesit e lartë të Policisë së Shtetit në qarqe, më konkretisht  (drejtori qarkut, shefi rendit, shefi krimeve, shefat e komisariateve, drejtori qarkullimit rrugor, ata të emigracionit dhe kufirit) dhe specifikisht të identifikohen personat dhe pozicionet e tyre drejtuese të emëruar pranë policisë së qarqeve, kohët e fundit, me të dhëna që i implikojnë në veprimtari antiligjore. Kërkesa tregon haptas vënien nën hetim të punonjësve të policisë, nga Shërbimi Informativ Shtetëror. Një tjetër pikëpyetje që ngrihet pas kësaj shkrese është edhe ajo se çfarë informacionesh janë mbledhur, se kujt i janë referuar dosjet me informacione për oficerët e Policisë së Shtetit.

Ju lutem jepni mendimin tuaj per kete artikull, duke komentuar me poshte:





LAJMET E FUNDIT - Minute pas minute

slider-2.png
slider-3.png
slider-4.png
slider-5.png
yahoo.png