Një ngjarje e shëmtuar ka ndodhur në futbollin italian më datë 26 mars me protagonistë dy skuadra të Eccellenza-s, kategoria e pestë në futbollin vendas.

sherr masivDy skuadrat siciliane, Vittoria-Paterno luanin takimin e tyre të radhës në kampionat dhe pjesa e parë përfundoi pa incidente.



Gjithçka ndodhi gjatë pushimit midis pjesëve, kur skuadrat u futën në tunel për të shkuar në dhomat e zhveshjeve.

Pikërisht, në tunel lojtarët vendas nisën të sulmonin miqtë. Rrëmujës i bashkohen edhe tenkikë të skuadrave. Nga pamjet e regjistruara nga kamera e sigurisë, duket që lojtari i Paternos, Enzo Tornatore, është lënduar rëndë, i cili është dërguar në spital me fraktura dhe brinjë të thyera.

Sapo është njohur me ngjarjen dhe pamjet, Federata Italiane Futbollit ka marrë masa të rrepta ndëshkuese për të dyja skuadrat. Më të ashpra janë ato për vendasit.

Federata dënoi me 36 javë pezullim të gjithë lojtarët e Vittoria-s që u përfshinë në sherrin masiv dhe me 23 javë ato të Paternos.

Ai që nisi sherrin, lojtari i Vittoria-s Vincenzo Esposito u pezullua tetë javë.

Ju lutem jepni mendimin tuaj per kete artikull, duke komentuar me poshte: